नाते

न तुटणारे असे हे म्हणजे नाते.

नाती म्हणावे तर अशी बरीच असतात.

पण काही नातीच मनाच्या अतिशय जवळ असतात.

नात हि रेशमाच्या धाग्यासारखी गुरफटलेली असतात.

म्हणावे तर कधी घट्ट तर कधी अतिशय नाजूक.

कधी खूप जवळची तर काही मनाच्या कोपऱ्यात दडलेली.

काही नाती ओळखीने होतात तर काही नाती आजकाल फक्त एका chat ने होतात.

काही नाती व्यक्त न करता येणारी तर काही मनाला सुखावणारी.

कधी मायेची नाती तर काही रागाची नाती.

कधी जिवाभावाची तर कधी फक्त नावाची नाती.

पण काहीही असले तरी जपावी लागतात हि नाती.

न बोलता काही नाती बरेच काही बोलून जातात.

तर काही नाती बोलल्याशिवाय जपली जाताच नाहीत.

म्हणायला गेलो तर असे चालता चालता वाटेशी हि काहीसे घट्ट नाते बनून जाते.

रोज आपलीच वाटणारी वाट खूप काही बोलून जाते.

कधी एकटा असतानाही खूप चांगली साथ देते.

कधी हीच वाट मनाला १ चांगला संगीत आणि सूर शिकवून जाते.

मनाला सुखद असे क्षण आणि अनुभव हे अशी नातीच देऊन जातात.

जगण्याला ध्येय आणि स्फूर्ती पण ह्या नात्यामुळेच येतात.

म्हणून जीवनात ह्या नात्यामुलेच महत्व येते.

आणि एकट्या जीवनाला हि नातेच फुलवून जाते.

म्हणून जीवन म्हणजे फक्त..नाती नाती आणि नातीच...