मैत्री हि कशी असावी तर तुझी आणि माझी आहे तशी असावी.
नावाच्या बदली या मैत्रीत काही टोपण नवे असावी.
जीवनाच्या चार घटका का होईना पण मनाला सुख देणारी असावी.
उन्हातून एकट चालताना जसे पावसाचा शिडकाव व्हावा तशी असावी.
कधी रुसवा असावा तर कधी मस्करी असावी.
कधी कडाक्याचे भांडण असावे तर कधी मस्ती करण्याची लहर असावी.
कधी डोळ्यात पाणी आसवे तर कधी खदखदून हसून पोट दुखवणारी असावी.
तर कधी काही फुटकळ गप्पा असाव्यात तर कधी काही समजुतीचे बोल असावे.
रात्रभर दूरध्वनी वर गप्पा मारणारी असावी
तर रात्री उशिरा कधी फक्त missed call देऊन झोपेचा खोळंबा करणारी असावी.
कधी रात्रभर उशिरा पर्यंत एकत्र बसून अभ्यास करणारी असावी
तर कधी चहाच्या टपरीवर पैसे देण्यासाठी झालेल्या भांडणं सारखी असावी.
कधी तर्राट होऊन एक दुसऱ्याच्या वायफळ बडबड ऐकून घेणारी असावी
तर कधी गाडी चालवण्यासाठी एकमेकांशी हुज्जत घालणारी असावी.
कधी पेट्रोलचे भाव वाढलेले असताना सरकारला शिव्या घालणारी असावी.
तर कधी राजकारण न कळताना राजकारण्याच्या फालतू गप्पा मारणारी असावी.
कधी मुलींच्या गप्पा मारताना फालतू विनोद करणारी असावी.
कधी एकमेकांना प्रेम बद्दल गप्पा मारणारी असावी.
अशी हि मैत्री आयुष्यभर असावी.
मनात घर करून घट्ट कवटाळून जीव ओवाळून देणारी असावी.
मैत्रीचे काही बोल हे मनातच राहून जातात.
पण काही चुकले तर पूर्ण वेळ जीव खात राहतात.
माफ कर या मित्रास जर काही चुकले असेल.
जास्त काही मागू नको यार सिर्फ एक बार गले मिल यार
No comments:
Post a Comment